elearazi » orson welles

Orson Welles euskaldunen lurraldean: 6. zatia

Garazi — Mon, 10 Sep 2012 08:21:33 +0000

Heldu gara Orson Wellesen dokumentalaren azken zatira! Estatubatuarrak, pilotaz gain, noski, ospakizuna, kantuak eta fandagoa dakarzkigu, bai, folklorea berriz. Alta, oraingoan hizpide ditu, baita ere, nazioak banatzen dituzten mugak, eta horiek sortzen dituzten jarrerak. Norbaitek euskalduntasun dosi bat behar badu, hemen aukera. Irudiak bereziki ederrak dira.

Hasieran azkartxo mintzatzen bada ere, ondoren abiadura moteltzen du. Digestio on!

Aurreko atalak:

http://elearazi.org/tag/orson-welles/

[youtube=http://www.youtube.com/watch?v=BXlDQL6irRI&feature=youtu.be]

Orson Welles euskaldunen lurraldean: 5. zatia

Danele — Wed, 29 Aug 2012 14:16:31 +0000

Welles eta euskaldunak saileko azken aurreneko zatian, pilotaren inguruan ibiliko gara beste behin, eta zenbait pasadizo xelebre aditzeko aukera izango dugu. Bestalde, fandangoa eta musika ere lagun izango ditugu. On egin!

[youtube=http://youtu.be/4VVDLp2Hyb0]

Orson Welles euskaldunen lurraldean: 4. zatia

Garazi — Tue, 07 Aug 2012 15:03:15 +0000

Udan itzultzen ari garen Orson Wellesen dokumentalaren 4. zatia duzue hau. Pilota jokoaren ingurukoa da, hasi eta buka; edo Wellesek jakin-min bizia zuen jokoaren inguruan edo dokumentala osatzeko aski materialik ez zuen. Kontrabandistak ere aipatzen ditu, eta iparraldeko orduko ekonomiaren sustatzailerik garrantzitsuenak zirela dio. Ikustekoa da, garaiko irudiez gainera, apaiza sotanarekin pilotan. Oraingoan ere Chris Werterbaker gaztea du lagun zuzendariak. Ahotsa eta irudia tarteka ez datoz bat, eta saiatu gara azpidatziekin nolabait oztopo hori gainditzen, baina halako kalitatearekin ezin miraririk egin…

Aurreko zatiak:

http://elearazi.org/tag/orson-welles/

[youtube=http://www.youtube.com/watch?v=E_G-rDLI3aY&feature=youtu.be]

Orson Welles euskaldunen lurraldean: 3. zatia

Danele — Mon, 16 Jul 2012 10:46:18 +0000

Orson Wellesen dokumentalaren hirugarren zati honetan, Lael Tucker idazlearekin hasitako elkarrizketa nola burutu zen ikusiko dugu eta baita ere, gudako hainbat pasadizoren berri emango zaigu. Euskaldunon kuraia laudatzen den aldetik, bideo ezin aproposagoa da astelehen gazi-gozo honetarako. On egin!

[youtube=http://youtu.be/tcOaHoAP42k]

Orson Welles euskaldunen lurraldean: 2. zatia

Garazi — Wed, 04 Jul 2012 13:53:19 +0000

Ekainaren hasieran lehenengo zatiaren deskribapenean esan bezala, uda sasoian jarriko ditugu Orson Wellesek eginiko dokumental honetako 6 zatiak euskaraz. Kutsu esentzialista gorabehera, interesgarri deritzegu orain 60 urte inguruko testigantza eta ikuspuntuei. Bigarren zati honetan Lael Tucker idazlearekin mintzo da Welles, euskarari, hezkuntzari eta garapenari buruz, besteak beste. On egin!

[youtube=http://www.youtube.com/watch?v=oYQWr8_seIU&feature=youtu.be]

Orson Welles euskaldunen lurraldean: 1. zatia

Danele — Thu, 07 Jun 2012 07:54:35 +0000

Sustatu atalari esker izan genuen Orson Welles zinemagile estatubatuarrak Euskal Herrian filmatutako dokumentalaren berri. Izan ere, 1955ean BBC kate britainiarrak Wellesi eskatu zion nolabaiteko bidai dokumental sorta bat egin zezan, Around the World with Orson Welles (Munduan zehar Orson Wellesekin) deituko zutena. Interesgarria, edo gutxienez kuriosoa iritzi genion lanari, eta gurera ekartzea deliberatu dugu. Hori bai, bideoak ikusi ondotik apur bat moldatu behar izan ditugu, zati errepikapenak eta zenbaitetan soinu kalitate kaskarra dela medio.

Uda atezuan daukagun honetan, Jack Torrance nola, geure etxera aizkorakadaka sartzeko gertu, iruditzen zaigu guztion gogoak lausotuta dabiltzala, bai irakurleenak zein blogaren kudeatzaileenak. Horregatik, eta ikus-entzunezkoak testu trinkoak baino arinagoak gertatu ohi direnez, urtaro sargorienerako dokumentalaren ekimena abiatzea erabaki dugu, gure ohiko edukiak bazter utzi gabe, jakina. Gaurtik hasita abuztu amaiera arte 6 atal kaleratuko ditugu.

Wellesen inguruan bi hitz bukatu aurretik. Zinemagile bikaina eta berritzailea, ezagun dugu batez ere War of the Worlds (1938) irratsaio iraultzaileagatik eta Citizen Kane (1941) film mitikoagatik. Horiez landa gomendagarriak dira baita ere Touch of Evil (1958) eta Europako garaiko The Third Man (1949). Azken hori aktore gisa.

Betiko lez, iruzkinak, proposamenak eta/edo kritikak ongietorriak izango dira. Besterik gabe, isilduko naiz eta Welles baritonoari lagako diot hitza. On egin eta ondo segi.

[youtube=http://youtu.be/N5YbPZYWYG0]