Zazpi album kaleratu dituzte, guztiak folk, country eta bluegrass estiloan (hori jartzen du, behintzat, haien webgunean). Gaurko ekarri dugun abestia taldearen ezagunenetarikoa eta laudatuenetakoa da, eta Bob Dylanekin elkarlanean sortua da. Dylanek Rock me mama izenarekin aurkeztu zuen gehienetan, ordea. Oso tokiko kantua denez, mapa bat apailatu dugu agertzen diren hiri-izen guztiekin, AEBko geografian gal ez zaitezten. Gainera, ez moskeatzeko, aipatu behar dugu badela aitortutako akats geografiko bat: “mendebaldera jo nahi du Cumberland haitzartetik/Johnson City-ra, Tennessee-n” dio letrak, baina mendebaldera baino, ekialdera egin behar luke Tennessera iristeko. Ketch Secor kantuaren idazleak adierazi zuen nola edo hala “mendebaldea” hitza sartu nahi zuela kantuan, eta horregatik traizioa.

Honezkero gehiegi luzatu gara. Gozatu, beraz, eta ez ahantzi: egin dantza!

[youtube=http://www.youtube.com/watch?v=GH2RRYnTeJE]

Hegoaldera bidean pinuen lurretara

Eta ni auto-stop egiten Ipar Carolinara

Begiak errepidean iltzaturik

Jainkoari eskerrak, argiei jarraikiz.

Kostaldean behera hamazazpi ordu

Eta zuhandor lore-sorta bat bildu

Raleigh-era [1] heltzeko nago irrikaz

Gauean ikusi ahalko baitut nire laztana.

Beraz mugi nazan, neska, gurdi-gurpilak bezala

Mugi nazan, neska, nahi dunan gisara

Ei, neska, mugi!

Mugi nazan, neska, haizea eta euria lez

Mugi nazan, neska, hegoalderako trena lez

Ei, neska, mugi!

New England-eko [2] hotzetik ihes

Sortu nintzen biolina jotzeko hari-talde baten

Laztanak gitarra jotzen du

Nik banjoa aukeratu dut

O, iparreko negu hotzek harrapatuta naukate

Dirua galdu dut pokerrean, alde egin behar, beraz

Baina ez naiz atzera egitekoa

Ez lehengo bizitza berriz bizitzeko.

Beraz mugi nazan, neska, gurdi-gurpilak bezala

Mugi nazan, neska, nahi dunan gisara

Ei, neska, mugi!

Mugi nazan, neska, haizea eta euria lez

Mugi nazan, neska, hegoalderako trena lez

Ei, neska, mugi!

Hegoaldera oinez Roanoke-tik kanpo [3]

Kamioilari batek hartu nau Philly inguruan [4]

Porro luze bat erre dugu

Baina mendebaldera jo nahi du Cumberland haitzartetik [5]

Johnson City-ra, Tennessee-n [6].

Eguzkiaren aurretik egin behar dut aurrera

Laztana entzun dut niri deika

Ze badakit bera dela nire kuttun bakarra

Eta Raleigh-en hiltzen banaiz

Behintzat aske hilko naiz.

Beraz mugi nazan, neska, gurdi-gurpilak bezala

Mugi nazan, neska, nahi dunan gisara

Ei, neska, mugi!

Mugi nazan, neska, haizea eta euria lez

Mugi nazan, neska, hegoalderako trena lez

Ei, neska, mugi!